Ինչի մասին է «Պարանոյա» ֆիլմը.
«Պարանոյա» դրամատիկ թրիլլերի սյուժեի համար հիմք է հանդիսացել ամերիկացի ժամանակակից գրող Ջոզեֆ Ֆայդերի համանուն վեպը։ Ֆիլմի գլխավոր հերոսը սովորական ընտանիքից մի տղա է՝ Ադամ Քեսիդին։ Նա շատ ամբիցիոզ է, և երազում է դառնալ հարուստ։ Առաջավոր տեխնոլոգիաների ոլորտում ունեցած լավ գիտելիքների շնորհիվ Ադամն իր ընկերների հետ փորձում է մշակել նորագույն ծրագրային ապահովում, որը պետք է իրական հեղափոխություն կատարի ՏՏ տեխնոլոգիաների ոլորտում։ Սակայն, շնորհանդեսի ժամանակ նա ձախողվում է ու մնում առանց աշխատանքի։ Առանց այն էլ բարդ իրավիճակը ավելի է բարդացնում այն, որ նրա հորը պետք է վիրահատել, իսկ դա շատ թանկ արժե։ Այս պահին Ադամին է դիմում նրա նախկին ղեկավարը՝ Նիկոլաս Ուայթը, ով նրան առաջարկություն է անում, որից նա պարզապես չի կարող հրաժարվել, քանի որ շտապ գումար է հարկավոր: Ադամը պետք է ներթափանցի իր նախկին ղեկավարի հետ մրցակցող ընկերություն և տեղեկություններ կորզի նոր մշակումների մասին։
