Ինչի մասին է «Դիանա. Սիրո պատմություն» ֆիլմը.
Արքայադուստր Դիանան իր ժամանակի ամենահանրաճանաչ կինն էր, ում դեռ կենդանության օրոք անվանել են «մարդկային սրտերի արքայադուստր»։ Նա նվաճել է միլիոնավոր մարդկանց սրտերը, նրան սեր են խոստովանել բոլորը՝ Անգլիայի արքայազնից մինչեւ հզոր միլիարդատերեր․․․ Բայց ու՞մ էր սիրում նա։ Արքայազն Չարլզից բաժանվելուց մի քանի տարի անց, լեդի Դիանան գրեթե մոռանում է անձնական կյանքի մասին եւ իրեն նվիրում հասարակական գործունեությանը: Նրա գրաֆիկը լի էր տարատեսակ հանդիպումներով ու միջոցառումներով։ Այդ հանդիպուպումներից մեկի ընթացքում՝ Լոնդոնի հիվանդանոցներից մեկում, նա պատահաբար ծանոթանում է 36 ամյա սրտի վիրաբույժի հետ։ Այսպիսով սկսվում է սիրավեպը, որը, Դիանայի շատ ընկերների վկայությամբ, դառնում է «իր ամբողջ կյանքի սերը»։ Քենսինգթոնի պալատում պաշտոնական լսումները եւ գիշերային ակումբներում գաղտնի ժամադրությունները, կարճ հանդիպումների ուրախությունը եւ բաժանման ցավը, միշտ միասին լինելու ցանկությունը և բացահայտվելուց խուսափելու ցանկությունը․․․
