Ինչի մասին է «Հիշել ամենը» ֆիլմը.
Ֆիլմի սյուժեն պատմում է այն ապագայի մասին, որտեղ երկիրը դատարկվել է քիմիական պատերազմից հետո, եւ մոլորակի վրա կան ընդամենը երկու վայրեր, որտեղ ապրում են մարդիկ՝ Միացյալ Բրիտանական Ֆեդերացիան եւ Նոր Շանհայ գաղութը, որտեղ հիմնականում ապրում է աշխատանքային դասը: Հենց այստեղ է, որ կնոջ հետ ապրում է ռոբոտների հասարակ հավաքող Դագլաս Քուեյդը։ Նրա նվիրական երազանքն է լինել Մարսի վրա։ Մի օր՝ նոր զգացողությունների փնտրտուքով, Դագլասը գնում է մի ընկերություն, որը զբաղվում է վիրտուալ հիշողությունների իմպլանտացիայով։ Սեանսի նախապատրաստման ընթացքում այդ ընկերության գրասենյակ ներխուժում է ոստիկանության հատուկ նշանակության ջոկատը եւ ցանկանում է կալանավորել Քուեյդին: Սակայն նա կարողանում է փախչել՝ հեշտությամբ ձերբազատվելով նրանցից։ Տուն գալով, Դագլասը փորձում է հասկանալ, թե ինչ է կատարվում, սակայն այդ պահին տուն է վերադառնում կինը եւ փորձում է սպանել նրան։ Այստեղից նույնպես կարողանում է հեռանալ անվնաս։ Տղայի սկսվում է իսկական որս, ու ամեն ինչ հասկանալու համար նա պետք է հիշի ամենը։
