Գյուտարար. Արյան ծարավ Սիլիկոնյան հովտում

Օսկարակիր վավերագրող Ալեքս Գիբնին բացահայտում է հաջողության և խոստումնալից բժշկական սթարթափի անկման անհավատալի պատմությունը, որը վերածվել է օճառի պղպջակի: Դեռ մի քանի տարի առաջ Էլիզաբեթ Հոլմսը աշխարհի ամենաազդեցիկ կանանցից մեկն էր, որին անվանում էին ապագա Սթիվ Ջոբս։ Նրա բժշկական ընկերության հետ հսկայական հույսեր էին կապում։ 2004-ին Հոլմսը հեռացել է Սթենֆորդից, որպեսզի հիմնադրի Theranos երազանքի ընկերությունը, որը պետք է հեղափոխություն իրականացներ առողջապահության ոլորտում՝ արյան միայն մեկ կաթիլից տրամադրելով ամբողջական անալիզ։ Խարիզմատիկ աղջկա գեղեցիկ գաղափարին աջակցում էին խոշոր ներդրողներ և ազդեցիկ քաղաքական գործիչներ՝ Ռուպերտ Մերդոկից մինչև Ջեյմս Մեթիս: 2014 թվականին Theranos-ը գնահատել են 9 մլրդ դոլար, իսկ ընդամենը երկու տարի անց ընկերությունը սնանկ է հայտարարվել: Աննախադեպ նյութերը և հիմնական ինսայդերների վկայությունները կօգնեն հասկանալ, թե ընդհանրապես ինչպես է հնարավոր նման մասշտաբի խաբեությունը և ինչպես է աշխատում մեծ ստի հոգեբանությունը։