Սոցիալական դիլեմա

Facebook-ի, Instagram-ի եւ Google-ի նախկին աշխատակիցները վավերագրական ֆիլմում կպատմեն այն մասին, թե ինչպես են սոցիալական ցանցերը մանիպուլյացիայի ենթարկում օգտատերերին: Դրա համար պատասխանատու են անընդհատ թարմացվող ալգորիթմները, որոնք օգնում են կայքերին կանխատեսել օգտատերերի հետաքրքրությունները՝ ավելի շատ գովազդ վաճառելու համար։ Որպես հետեւանք, սովորական մարդիկ դառնում են կախված տեխնոլոգիաներից, որոնցից նույնիսկ նրանց ստեղծողները չեն կարողանում հրաժարվել։ Ծրագրավորողները եւ դիզայներները պատմում են այն մասին, թե ինչպես են սոցցանցերը գլոբալ մակարդակով օգտագործում երկրում իրավիճակն ապակայունացնելու եւ կեղծ տեղեկություններ տարածելու համար: Ֆիլմի հեղինակներն առաջարկում են խնդրի լուծման իրենց տարբերակները։