Ժամանակ քեզ համար

Ֆիլմի գլխավոր հերոսի կյանքը վաղուց շատ միապաղաղ է։ Վեր կենալ, աշխատանքի գնալ, ընթրիքին ընտանեկան հարցեր լուծել, կնոջ հետ միապաղաղ սեքս և վերջապես քուն։ Միապաղաղությունը, մշտական խնդիրները երբեմնի կենսուրախ մարդուն դարձրել են հոգնած ու անընդհատ դժգոհ տրտնջացողի։ Նա պաշտում է կնոջն ու երեխաներին, բայց շատ է հոգնել առօրյայից։
Ընտանիքի հայրը գործադրում է բոլոր ջանքերը, և դստերն ու կնոջը արձակուրդ է ուղարկում։ Ճամփորդության կազմակերպման քաշքշուկն ավարտվում է, երջանիկ աղջիկներն արդեն ճանապարհին են։ Տղամարդը վայելում է տանը տիրող լռությունն ու անդորրը, ու հանկարծ նրա գլխում հիանալի միտք է ծագում։ Նա զանգահարում է իր լավագույն ընկերոջը՝ զվարճալի ուիքենդ անցկացնելու առաջարկով։ Ընկերը աջակցում է նրան և համաձայնվում է ամբողջությամբ կտրվել առօրյաից: Տղամարդիկ որոշում են ժամանակավորապես մոռանալ հրատապ խնդիրների, կանանց ու երեխաների մասին և հիշել իրենց երիտասարդությունը: Երկու օրում հերոսներին կհաջողվի շատ հիմարություններ անել, փորձանքի մեջ ընկնել, և իհարկե, սրտանց զվարճանալ։ Սկսվում են երկու իսկական ընկերների արկածները։