Ես դեռ այստեղ եմ

1970-ականների սկզբին ինժեներ-շինարար և նախկին կոնգրեսական Ռուբենս Պայվան ապրում է իր կնոջ և հինգ երեխաների հետ Ռիո դե Ժանեյրոյի լողափի մոտ գտնվող փոքրիկ վարձակալված վիլլայում։ Որպես երկրի իշխանության ղեկը ստանձնած ռազմական բռնապետության հակառակորդ՝ նա գաղտնի շարունակում է իր ընդդիմադիր գործունեությունը, նույնիսկ իր ընտանիքից թաքցնելով դա։ Մի օր նրանց տուն են ներխուժում զինված մարդիկ խուզարկության, ձերբակալում Ռուբենսին և տանում հարցաքննության, որից նա այլևս չի վերադառնում։ Տագնապած Յունիս Պայվան փորձում է պարզել իր առևանգված ամուսնու ճակատագիրը, բայց այդպես միայն ավելի մեծ զայրույթ է բորբոքում իշխանությունների կողմից իրենց ընտանիքի հանդեպ։