Ինչի մասին է «Գլուխկոտրուկ» մուլտֆիլմը.
Պատկերացրեք, որ մեր գլխում բոլոր բարդ մտավոր գործընթացները տեղի են ունենում հինգ պարզ հույզերի միջոցով՝ ուրախության, տխրության, զայրույթի, զզվանքի և վախի: Ամեն առավոտ, մեզ հետ արթնանալով, նրանք հավաքվում են կառավարման վահանակի մոտ և անմիջապես աշխատանքի են անցնում։ Հետևում են մեր յուրաքանչյուր գործողությանը, ստիպելով այս կամ այն որոշումը կայացնել։ Մուլտֆիլմի սյուժեի կենտրոնում է Ռայլին, իր գլխում գտնվող զարմանալի հնգյակով։ Նրա կյանքում ամեն ինչ լավ է, քանի որ ամբողջ պրոցեսը ղեկավարում է Ուրախությունը։ Եվ հանկարծ աղջիկը տեղեկանում է, որ նրա ընտանիքը պետք է տեղափոխվի փոքրիկ քաղաքի հարմարավետ և սիրելի տնակից դեպի հսկայական մարդաշատ անծանոթ մեգապոլիս: Նոր տունը, դպրոցը, ծանոթությունը, բոլորովին այլ իրավիճակ են ստեղծում ու բարդ խնդիր են դնում թիմի առջև, որի անդամներից յուրաքանչյուրը փորձում է յուրովի արձագանքել տեղի ունեցածին, և Ուրախությունը, փորձելով ուրախացնել երեխային, որոշում է կայացնում հնարավորինս զերծ պահել նրան տխուր հիշողություններից: Իսկ չէ՞ որ զուր չեն մարդիկ ասում, որ չկա Ուրախություն առանց Տխրության։
