Կառավարություն

Դրամատիկ սերիալի սյուժեն ծավալվում է ժամանակակից Դանիայում և պատմում քաղաքական պայքարի ելևէջների և դրանց հետևանքների մասին։
Երկիրը գտնվում է խորհրդարանական ընտրությունների նախաշեմին։ Չափավորների Կուսակցության մեդիա խորհրդական Կասպեր Յուլիին հաջողվում է բավականին լուրջ կոմպրոմատ գտնել գործող վարչապետի դեմ։ Սակայն գլխավոր հերոսուհի Բիրգիտտե Նյուբորգը, ով այդ կուսակցության ղեկավարն է, ի զարմանս Կասպերի, հրաժարվում է վարկաբեկիչ տվյալները օգտագործել, և այդ ժամանակ նա որոշում է դրանք տրամադրել ընդդիմադիր ուժերի առաջնորդ Միկել Լաուգեսենին։ Ինչպես և սպասվում էր, Լաուգեսենը մեծ ոգևորությամբ օգտագործում է ստացված տեղեկատվությունը վերջնական հեռուստաբանավեճի ժամանակ: Սակայն առաջացած սկանդալը հանգեցնում է ոչ միայն գործող քաղաքական ուժերի ջախջախիչ պարտությանը, այլև խիստ բացասաբար է անդրադառնում հենց Լաուգեսենի վրա։ Արդյունքում, Չափավորների Կուսակցությունը, որը ընտրություններում ակնհայտ հետնապահ էր, մեծամասնություն է ստանում խորհրդարանում, իսկ Բիրգիտտե Նյուբորգը իրավունք է ստանում ձևավորել երկրի կառավարությունը: Սակայն պարզվում է, որ Բիրգետտեյի համար դա միայն իշխանության համար պայքարի սկիզբն էր, և առջեւում էլ ավելի լուրջ փորձություններ են սպասվում․․․