11.22.63

Անգլերենի ուսուցիչ Ջեյքոբ Էփփինգը տեղեկանում է իր ընկերոջից՝ Էլ Թեմփլթոնից, որ իր հացատանը գտնվում է մի դռնակ, որը տանում է անցյալ։ Ջեյքը թերահավատորեն է մոտենում ընկերոջ խոսքերին, բայց ընկերը ստիպում է Ջեյքին իրականացնել կարճ ճանապարհորդություն։ Բանն այն է, որ Էլը արդեն եղել է անցյալում, և կարողացել է մի քանի կարևոր կանոններ հասկանալ «անցյալի դռան» հետ կապված․

1. այն միշտ տեղափոխում է մարդուն նույն ժամանակահատված, 
2.  որքան ժամանակ որ գտնվի մարդը անցյալում, ներկայում դա տևում է մի քանի րոպե
3.  անցյալում հնարավոր է փոփոխություններ կատարել, որոնք կարող են ազդեցություն ունենալ ներկայի վրա
4.  որքան ուժեղ լինեն փոփոխությունները, այնքան դժվար կլինի դրանք իրագործել։

 Էլը խնդրում է Ջեյքին կանխարգելել Ջոն Քենեդու սպանությունը, գտնելով և չեզոքացնելով այն մարդուն կամ մարդկանց խմբին, որոնք պատասխանատու են սպանության համար, քանի որ նա չի կարողացել լուծել այդ խնդիրը։
 Այսպես, մեր հերոսը ընկնում է 1960-ական թվականների Ամերիկա, բայց մինչ կարևոր առաջադրանքը կատարելը, Ջեյքը որոշում է փորձել օգնել իր աշակերտներից մեկին, ով դրամատիկ շարադրություն է գրել «Օր, որը փոխեց իմ կյանքը» վերնագրով։