Ինչի մասին է «Մաֆիայի ծնունդը. Չիկագո» սերիալը.
20-րդ դարի սկզբին Չիկագոն Ամերիկայի ամենակոռումպացված քաղաքն էր, ուր հավաքվել էին ավազակներ ամբողջ երկրից, այդ թվում երիտասարդ Ալ Կապոնեն, որը տեղափոխվել էր Բրուքլինից, հետեւելով իր գլխավոր ուսուցիչ, իտալացի Ջոնի Տորրիոյին: Այստեղ նրան սպասում էր առաջխաղացում՝ շարքային գանգստերից մինչև հզոր հանցավոր խմբավորման պարագլուխ, որը կարող էր կաշառել ոստիկաններին ու բարձրաստիճան պաշտոնյաներին։ Անհավանական ճկուն միտքը, դաշնակիցներ ընտրելու ունակությունը և ցանկացած պարագայում ջրից չոր դուրս գալու տաղանդը Կապոնեին դարձրել են իր դարաշրջանի ամենահայտնի գանգստերներից մեկը:
