Ինչի մասին է «Նարնիայի քրոնիկոնը 1․ Առյուծ, կախարդ և պահարան» ֆիլմը.
Երբ Լոնդոնը սկսում է ռմբակոծվել գերմանական ռազմաօդային ուժերի կողմից, Փիթերի, Սյուզենի, Էդմունդի և Լյուսիի ծնողները որոշում են ուղարկել նրանց գյուղ՝ ընտանիքի ընկերոջ մոտ: Այնտեղ՝ պահմտոցի խաղալու ընթացքում ամենափոքրը՝ ութ տարեկան Լյուսին, թաքնվում է մի մեծ պահարանում ու կախարդական կերպով հայտնվում է զուգահեռ աշխարհում՝ Նարնիայում։ Հայտնվելով հեքիաթային աշխարհի ձյունածածկ մարգագետնում, աղջիկը ծանոթանում է Տումնուս անունով ֆավնի հետ։ Վերադառնալով տուն՝ Լյուսին ամեն ինչ պատմում է իր եղբայրներին ու քրոջը, սակայն նրանք նրան չեն հավատում՝ մտածելով, որ քույրը չափազանց բուռն ֆանտազիա ունի։ Բայց շուտով երեխաները կիմանան, որ Նարնիան իրականում գոյություն ունի, և նրանց համար նախատեսված է այս հեքիաթային երկրի կյանքում շատ կարևոր դեր խաղալ:
