Օուշենի տասներկու ընկերները

Ֆիլմի գործողությունները ծավալվում են ֆիլմի առաջին մասում ցուցադրված իրադարձություններից երեք տարի անց։ Թերրի Բենեդիկտոսը, որից Դենի Օուշենը իր հանցակիցների հետ միասին սրբել է 160 մլն դոլար, դուրս է գալիս նրանց հետքին: Սպառնալով հաշվեհարդար տեսնել, նա նրանց երկու շաբաթ է տալիս, որպեսզի նրանք վերադարձնեն գողացված գումարները, այն էլ տոկոսներով։ Դենիին այլ բան չի մնում, քան մեկ անգամ ևս թիմ հավաքել՝ մի քանի համարձակ կողոպուտների համար: Սակայն հիմա դա մի քիչ ավելի բարդ կլինի, քանի որ նրանց հետքով գնում են հատուկ ծառայությունները, և ամեն ինչի հետ մեկտեղ հայտնվել է նախանձելի մրցակից՝ «Գիշերային Աղվես» մականունով, որին հանգիստ չի տալիս Դենիի և նրա ընկերների փառքը, և որը խախտում է գողական օրենսգրքի բոլոր չգրված կանոնները...