Սարդ-մարդը

Սյուժեի կենտրոնում Փիթեր Պարկեր անունով սովորական դպրոցականն է։ Փիթերը մշտապես ծաղրի է ենթարկվում հասակակիցների կողմից, եւ նա բոլորովին չունի ընկերներ, բացի Հարրի Օզբորնից, որը շատ հարուստ է եւ շատ հայտնի է դպրոցում: Փիթերը մանկուց որբ է, ուստի նրան դաստիարակում են հորաքույրն ու հորեղբայրը։ Նա նաեւ սիրահարված է իր հարեւանին՝ Մերի Ջեյնին, ճիշտ է, նա բոլորովին ուշադրություն չի դարձնում տղային: Բայց մի օր տեղի է ունենում մի իրադարձություն, որը մեկընդմիշտ փոխում է Փիթերի ճակատագիրը։
Նա մյուս աշակերտների հետ էքսկուրսիայի է մեկնում մի լաբորատորիա, որտեղ նրան պատահաբար կծում է սարդը։ Փիթերը նշանակություն չի տալիս այդ իրադարձությանը, բայց իզուր, քանի որ արախնիդը պարզվում է նրանցից է, որոնց վրա փորձեր են արվել։ Որոշ ժամանակ անց տղան սկսում է նկատել, որ նրա հետ ինչ-որ տարօրինակ բան է տեղի ունենում։