Ինչի մասին է «Ամուր ընկույզ» ֆիլմը.
Ֆիլմի գլխավոր հերոս Ջոն Մաքքլեյնը Նյու Յորքում աշխատող ոստիկանության սպա է։ Սուրբ Ծննդյան նախօրեին նա մեկնում է Լոս Անջելես` իր կնոջ հետ հաշտվելու համար։ Քաղաք հասնելուց հետո նա մեկնում է հսկայական երկնաքեր, որտեղ Սուրբ Ծննդյան տոներին նվիրված շքեղ երեկույթ է տեղի ունենում։ Մինչ Ջոնը հանդերձափոխվում Է, շենք է ներխուժում զինված մարդկանց մի խումբ` Հանս Գրուբերի գլխավորությամբ։ Նրանք գրավում են երկնաքերը և պատանդ են վերցնում այնտեղ գտնվող բոլոր մարդկանց, այդ թվում նաև գլխավոր հերոսի կնոջը։ Ոստիկանությունն ու հատուկ ծառայություններն անզոր են այս իրավիճակում, նրանք չեն կարող գրոհել, չէ որ շենքում շատ են քաղաքացիական անձինք։ Առաջին հայացքից ոչինչ չի կարող խանգարել ահաբեկիչների ծրագրերին։ Բայց շենքում է գտնվում նաև Ջոնը, որին չեն նկատել։ Մաքքլեյնի պլանների մեջ չի մտնում հանգիստ նստելը, նա մտադիր է պայքարել հանցագործների հետ։
