Ինչի մասին է «Պլատֆորմ» ֆիլմը.
Գործողությունները տեղի են ունենում հակաուտոպիկ ապագայում։ Իրադարձությունները զարգանում են բազմահարկ ստորգետնյա բանտում, որը կոչվում է «Փոս»: Տեղի բանտարկյալները կամ այստեղ որևէ անօրինական արարքի համար պատիժ են կրում, կամ կամավոր են գալիս այստեղ՝ սոցիումում իրենց տեղը բարելավելու համար։ «Փոսի» մի քանի հարյուր մակարդակներից յուրաքանչյուրում գտնվում է երկու հոգի։ Ամեն օր «զրոյական» հարկից` որտեղ գտնվում է խոհանոցը, իջեցնում են բազմազան ուտեստներով սեղան։ Մարդիկ կարող են ուտել որքան ուզում են, բայց սնունդ պահել չի կարելի՝ արգելքի խախտումը պատժվում է մահով։ Սնունդը պատրաստում են այնքան, որ բոլորի համար բավարար լինի, եթե բանտարկյալները հավասարաչափ բաշխեն այն։ Սակայն եթե «առաջին» մակարդակներում չափից շատ են ուտում, ապա «հարյուրերորդում» շատերը մտածում են մարդակերության մասին։ Գորենգը բանտ է մեկնում սեփական կամքով, հույս ունենալով հասարակության մեջ ավելի արտոնյալ տեղ զբաղեցնել:
Մասնակցի՛ր մեր անցկացրած քուիզ/վիկտորինային և հնարավորություն ստացիր շահելու արժեքավոր մրցանակներ։
Անցնե՛լ քուիզը։
